O pasado 20 de setembro inauguramos na Coruña a exposición «O camiño á Constitución nas caricaturas de Siro», organizada pola Deputación coruñesa para conmemorar os 40 anos da súa entrada en vigor. A mostra, de 117 viñetas con cadanseu texto, publicadas no xornal La Voz de Galicia na serie Imaxes da Transición, está recollida nun catálogo que, ademais da presentación do presidente Valentín González Formoso, leva prólogos de dous amigos: o xornalista Fernando Ónega e o historiador Justo Beramendi.
Itinerancia da exposición
- Cee ( Casa da Cultura. Do 10 ao 28 de outubro);
- Ribeira (Centro Cultural Lustres Rivas, do 8 ao 25 de novembro);
- Santiago de Compostela (USC, do 29 de novembro ao 16 de decembro);
- Carballo (Casa da Cultura, do 17 de xaneiro ao 3 de febreiro);
- Ferrol (Centro Torrente Ballester, do 7 ao 24 de febreiro).
