Non lembro cando, nin como coñecín a Moncho Borrajo, pero a nosa amizade pode superar os corenta anos, o que me permite facer unha afirmación sobre o ser humano que se acocha baixo o actor cómico de tantos e tan extraordinarios talentos: é home tenro, agradecido e leal amigo.
Vémonos pouco, tan pouco que cando no mes de agosto fun á caseta da Feira do Libro de A Coruña onde asinaba exemplares da súa Escolma de Humorismo Gráfico de Moncho Borrajo, non me recoñeceu. Iso si, en canto o fixo, abrazoume, bicoume, deu mostras de enorme alegría e quixo perpetuar o encontro nunhas fotos. Velaí están.