Vai de humoristas: Moncho Borrajo

Moncho Borrajo por Siro

Non lembro cando, nin como coñecín a Moncho Borrajo, pero a nosa amizade pode superar os corenta anos, o que me permite facer unha afirmación sobre o ser humano que se acocha baixo o actor cómico de tantos e tan extraordinarios talentos: é home tenro, agradecido e leal amigo.

Vémonos pouco, tan pouco que cando no mes de agosto fun á caseta da Feira do Libro de A Coruña onde asinaba exemplares da súa Escolma de Humorismo Gráfico de Moncho Borrajo, non me recoñeceu. Iso si, en canto o fixo, abrazoume, bicoume, deu mostras de enorme alegría e quixo perpetuar o encontro nunhas fotos. Velaí están.

 

Deixa un comentario

This site uses Akismet to reduce spam. Learn how your comment data is processed.