Imáxes da Transición: Os poderes do comandante Cortina

Comandante Cortina 23F

O comandante Cortina tentou tamén que Pardo Zancada non o involucrase na organización do 23f e mandoulle, a través do capitán Armada, parente lonxano do xeneral, a mesma mensaxe que enviara a Tejero pola muller: seríalle máis útil se non era condenado. Porén, a defensa dos acusados baseábase “na obediencia debida”, polo que debían demostrar que o golpe fora cousa do CESID, de Armada e do Rei. Tamén o fiscal cría na culpabilidade do comandante Cortina e no interrogatorio da mañá do 22 de marzo de 1982 levouno contra as cordas.

A sesión interrompeuse para xantar e Cortina fixo unha chamada telefónica que oíron o comandante Arribas, responsable do servizo de comedores, e o letrado Ángel López Montero, defensor de Tejero. Este revelou trinta anos despois que Cortina dicía ao interlocutor: “Que no me jodan, que saco hasta lo de Carrero Blanco”.

No interrogatorio da tarde  Cortina mostrouse tan chulo que o presidente do tribunal tivo que esixirlle moderación no ton. Non foi chamado a declarar o capitán Camacho, do CESID, que recollera probas de que o xeneral Armada e o comandante Cortina organizaran o golpe, e fíxollo saber ao director, o coronel Calderón, que non quixo crelo.

Deixa un comentario

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información. ACEPTAR

Aviso de cookies