Imáxes da Transición: Fin da Transición

Transición
Transición
Adolfo Suárez, Santiago Carrillo, Juan Carlos I, Manuel Fraga

As eleccións de 1982, que permitiron gobernar con maioría absoluta ao PSOE, sinalan, en opinión de historiadores e comentaristas políticos, a fin da Transición. Tres meses antes Adolfo Suárez creara un novo partido, o Centro Democrático e Social (CDS), que só conseguiu dous escanos; pero nas de xuño de 1986, obtería case dous millóns de votos e 19 escanos. Suárez pronosticou que nas próximas o CDS gañaría ao PSOE. Non foi así: en 1989 perdeu cinco deputados e en 1991, logo da debacle nas autonómicas e municipais, deixou a presidencia do CDS e renunciou ao escano no Congreso.

A sombra da Transición devoraba aos protagonistas. Carrillo perdeu a secretaría do PCE polos malos resultados en 1982; tres anos despois sería expulsado e crearía o Partido dos Traballadores de Epaña-Unidade Comunista. Non interesou e os dirixentes ingresaron no PSOE. El non o fixo.

O fracaso de AP nas eleccións autonómicas de 1986 en Euskadi apartou a Fraga da presidencia do partido, pero en Nadal de 1989 encabezou a lista do PP nas autonómicas galegas, obtivo maioría absoluta e presidiu a Xunta de Galicia quince anos.

Felipe González deixou boa parte do prestixio na xestión de Goberno e o rei Xoán Carlos abdicou en 2014.

Deixa un comentario

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información. ACEPTAR

Aviso de cookies
%d bloggers like this: