Carta aos futuros lectores de “Castelao en el arte europeo”

libro_castelao

Amigos, por fin rematei un dos dous libros que levei corenta anos na cabeza. Un libro sobre Castelao artista, pero con outro título para non coincidir co de Luís Seoane. Un libro de debuxante a debuxante, á altura do panel; ollando de moi preto, mesmo dende a propia experiencia, o seu traballo artístico. Titúlase Castelao en el arte europeo, así, en castelán, en tradución do filólogo Alejandro Rodríguez Gómez, porque a Castelao hai que dalo a coñecer fóra de Galicia. Sae cun prólogo de Valeriano Bozal e unha presentación de María Victoria Carballo-Calero, editado por Duen De Bux, que son uns virgueiros. Digo que son virgueiros porque, ademais de editar moi ben, fano a moi bo prezo. O libro, con 224 páxinas e 30 ilustracións, terá un prezo de 20 euros, pero na pre venta costa 16. Vede a información en  http://www.duendebux.com

¿Por que quería facer este libro? Porque para min Castelao foi un debuxante extraordinario, un mestre a quen estudar, e estudeino, en todas e cada unha das súas facetas: caricaturista, humorista gráfico e ilustrador, no senso máis amplo do termo. Aquí analizo a súa obra viñeta a viñeta, imaxe a imaxe, cando o caso o require.

Leer más

Ensaio

Empecei a publicar ensaio na revista Grial, nos primeiros anos setenta, estudiando as influencias europeas na obra gráfica de Castelao, e as claves humorísticas na súa producción literaria e de humorista gráfico.  A arte e o humor foron, desde entón, as creación ás que adiquei a miña pescuda. Pensaba que, por ser as miñas actividades profesionais, podería ofrecer unha visión persoal, baseada na experiencia. Non é casualidade que titulase un traballo sobre o caricaturista Xosé María Cao, destinado a unha publicación arxentina, José María Cao a la altura del panel, porque desde aí o vexo eu.

Leer más

Medicina e humor

medicina y humor

medicina y humor

Este conto que eu escoitei hai moitos anos aquí, en Galicia, escoitábao Jardiel Poncela de neno en Quinto del Ebro, Aragón, a terra natal do seu pai, onde el pasou longas tempadas.

Ó humor pásalle como á medicina, que chegamos a coñecelos, a gozalos e a aceptalos como propios, aínda que resulte difícil fixar as súas orixes.

Por exemplo hai un conto titulado Os avisos da Morte, que polo contido, pola estructura narrativa e polo humor podería ser árabe, pero é galego de pura cepa. Di así:

Leer más

A iconografía galega de García Lorca

caricatura garcia lorca
caricatura garcia lorca
García Lorca, caricatura de Siro

 

Introducción

 

         Aínda que o título desta comunicación aluda a toda a iconografía lorquiana realizada en Galicia, as limitacións dos meus coñecementos ao eido da plástica, fan que me refira únicamente á creada polos nosos pintores e debuxantes.

Federico García Lorca amaba o debuxo e adoitaba engadilo, da súa man, como complemento ilustrativo dun texto literario, dunha carta, ou dunha adicatoria. Non é de estrañar esa querencia en quen era pura sensibilidade, polo mundo infinito e inmediato que o debuxo nos ofrece.

Leer más

Celestino Fernández de la Vega

celestino fernandez de la vega por siro

Introdución                                  Cando no ano 1969 lin e relín O segredo do humor sentínme deslumbrado e orgullosamente galego. Xamais tivera nas mans un estudio tan rico e rigoroso sobre unha materia que me interesaba tanto. Pouco despois empezaría a publicar os meus primeiros debuxos de humor na revista Chan, editada en Madrid e dirixida por Borobó, … Leer más